परथा

कसली येडी मानसं ही कुठली परथा धरत्यात
प्रेमाच्या नावा खाली बघा काही बाही करत्यात

याच दिवशी का यायीच सार ऊतू जातं परेम
आजच्या पोराईचा खरच नाही काही नेम

पोरगा म्हने पोरिला म्हाय प्रेम जिवापार
पोरगी म्हने आधिच जमलं उशीर केलास फार

पोर पोरी सोडा ईथ बायका बी हो भटकत्यात
नवर्याईच्या गळ्यात रस्त्यावरती लटकत्यात

आस वागून त्यासनी कुनास ठाऊक काय भेटतं
संस्क्रुतिची चाळणी पाहून रगत म्हाय पेटतं