डायरी

तिचं माझ्यावरचं प्रेम एक प्रेमळ शायरी
बरच काही सांगून गेली मला तिची डायरी

आवरतांना कपाट माझ्या अलगद लागली हाती
प्रत्येक पान पुन्हा एकदा जगवून गेलं नाती

सुंदर कोरीव अक्षरांनी भरली होती पानं
शब्दात शब्द गंफून तिने मांडलं होत गाणं

वाचता एक एक पान हरपलं माझं भान
उभी होती येऊन मागे आलच नाही ध्यान

हरुच ठेऊन खांद्यावर हात पुटपुटली कानात
अरे वेड्या मी नसतांना हीच येईल कामात