गुलमोहर

अंगणातला गुलमोहर पाहता पाहता सुकाला
तुझा त्याला भेटण्याचा नियम जसा तुटला

तू गेलिस त्या दिवशी तो बहरला होता वेडा
तुझा पार्थीवावर त्याचाच घातला होता सडा

माहीत होता मला खूप आवडतो तो तुला
म्हणूनच जातानाही दिला तुझ्या सोबतीला

तू गेल्याचे कसे कळले त्याला समजत नाही
पण त्यावर आता एकही फूल उमलत नाही

एकदा वाटलं मुळासकट फेकून द्यावा उपटून
पण तोच तर करून देतो आठवण तुझी हटकून..