पर्वा आमचं जाणं झालं एका मित्रा कडे
म्हटलं भेटुन घ्याव तुला आलोच होतो इकडे
त्यानी आम्हां दोघांनाही हसून आत बोलावलं
छान वाटलं आलास म्हणून स्मित हास्य टोलावलं
बयकोने त्याच्या लगेच मग केला गरम चहा
हातात देऊन जाड अल्बम बोलली फोटो पहा
बायको माझी हसत होती माझ्या कडे पाहून
म्हटलं केवढी चूक केली याच्या कडे येऊन
फोटो दाखवायला मग ती दोघं अशी काही भिडली
मिश्किल हसून बायको बोलली कशी अद्दल घडली
तास भर त्या दोघांनी खाल्लं माझं डोक
कळलं मला का येत नाहीत याच्या कडे लोकं
कसा तरी थाप मारून पडलो तिथून बाहेर
ह्याच्या पेक्शा फारच बरं बायकोचं माहेर
No comments:
Post a Comment